CEREMONIA AGRADECEMENTO NO ENTREGA PRATIKA HALO MORU KONTRUSAUN CIVIL

"LIU HUSI PRATIKA ITA BELE DEZEMVOLVE TEORIA NEBE ITA APRENDE IHA KAMPO"

Estudante Teknik Sipil DIT, angkatan 2011, iha trimester kedua foti mata kuliah Building Construction hala'o sira nia pratika iha kampus DIT. Iha pratika ne'e sira aprende oinsa desain uma, sukat iha fatin projetu, hada fondasi, hada blok, too reboka.
Pratika nebe estudante sira halo maka Hada Moru haleu kampus DIT. Durante fulan rua estudante sira halo ho nia largura 170 metru. DIT maka fo suporta material ; fatuk, rai henek, sementi, besi, blok, dll. Durante estudante sira halo pratika, hetan supervisaun husi dosente no sira nia kakak semester sira, atu nune'e estudante sira bele serviso diak.
Ohin loron Sabadu, 29 de Outobru 2011, estudante sira entrega sira nia obras pratika ne, liu husi Seremonia Agradesimentu no Entrga Pratika Halo Moru Konstrusaun Civil ba institusi DIT, nebe simu husi Reitor DIT hamutuk ho Dosente sira.
Reitor DIT fo agradesimentu ba estudante sira, no fo korajen ba estudante sira atu sira bele pratika mos iha sira nia uma no komunidade. Persija hatudu imi nia skill no buka aprende nafatin. Tanba atu sai enjineru laos hatene koalia deit maibe hatudu mos ho pratika.

Konstrusaun Uma ba School of Petroleum Studies Hotu Ona

Konstrusaun uma ba School of Petroleum DIT hotu ona iha 7 Maiu 2011. Uma nee iha sala hanorin boot rua, sala staf lima, sala kiik haat hodi hanorin tetun ba malae sira. Konstrusaun nee hotu halo DIT aumenta fasilidade hodi hanorin diak liu tan. Iha tempu badak, DIT sei instala mos LCD projetor iha sala laran hotu hodi fasilita prosesu hanorin.

Tuir Ir. Peres Dhae Siga Taa, M.Eng., Sefi Ekipa Konstrusaun DIT hateten iha semana nee mos bada’e sira hahu halao konstrusaun uma adat iha aula DIT nia oin hodi sai fatin eskritoriu ba Pro-Reitor Planu ho Kooperasaun Externa, no Diretor Sentru Peskiza ho Servisu Komunitariu. Konstrusaun nee sei hotu fulan Juilu 2011.
Ir. Peres mos hateten katak nia ekipa sei halo dezeina pagar haleu kampus DIT Aimutin atu fo seguransa ba staf, estudante ho propriedade DIT nian. Espera dezeina pagar nee hotu reitoria DIT bele buka osan hodi hahu halo konstrusaun. Bainhira pagas iha ona, DIT mos bele halo ona penataan taman ho estrada iha kampus. Agora la bele tanba animal barak mak husi deit iha kampus laran.

Peres mos hatutan katak DIT prepara halo gambar atu harii uma ba Sentru Lingua, uma ba Sentru Formasaun Turismu ho Hospitalidade, uma ba makina tipografiku. Nunee bele fasilita jestor DIT hodi buka osan hodi finansia uma sira nee. Iha tinan 2011, tuir Peres, sei halo tan sala boot rua hodi akomoda numeru estudante nebee sei boot iha 2011-2012. Agora dadaun estudante DIT iha kampus DIT hamutuk 2000 lebih, no tinan 2012, sei aumenta tan 1000. Nee presiza fatin tan hodi hanorin.*